ജനീവ: കഴിഞ്ഞ ഒരു മാസത്തിനിടെ പുതിയ കൊവിഡ് കേസുകളുടെ എണ്ണത്തിൽ 52 ശതമാനം വര്ദ്ധനവുണ്ടായതായി ലോകാരോഗ്യ സംഘടന. 850,000 പുതിയ കേസുകൾ റിപ്പോര്ട്ട് ചെയ്തതായും ലോകാരോഗ്യ സംഘടന അറിയിച്ചു. 3,000-ത്തിലധികം പുതിയ മരണങ്ങളും റിപ്പോർട്ട് ചെയ്തു.
ലോകാരോഗ്യ സംഘടന പുറത്ത് വിടുന്ന കണക്കുകൾ പ്രകാരം ആഗോളതലത്തില് 772 ദശലക്ഷത്തിലധികം സ്ഥിരീകരിച്ച കേസുകളും ഏഴ് ദശലക്ഷത്തോളം മരണങ്ങളുമാണ് സംഭവിച്ചിരിക്കുന്നത്.
ആശുപത്രികളില് 118,000 പുതിയ കൊവിഡ് 19 കേസുകളും 1600-ലധികം ആളുകളെ തീവ്രപരിചരണ വിഭാഗത്തിലും പ്രവേശിപ്പിച്ചതായി ഡബ്ല്യുഎച്ച്ഒ പറയുന്നു.
ജെഎന് 1 വേരിയന്റ് റിപ്പോര്ട്ട് ചെയ്യപ്പെട്ട് തൊട്ടടുത്ത ആഴ്ച മുതൽ ഇതിന്റെ വ്യാപനം വർദ്ധിച്ചു. ഇജി 5 ആണ് ആഗോള തലത്തില് ഏറ്റവും കൂടുതൽ റിപ്പോർട്ട് ചെയ്ത കൊവിഡ് വേരിയന്റ്.