റഫ ആക്രമണത്തിന് തയ്യാറെടുത്ത് ഇസ്രായേൽ സൈന്യം; പിന്മാറാൻ ആവശ്യപ്പെട്ട് അമേരിക്ക

ഗാസ: അന്താരാഷ്ട്ര മുന്നറിയിപ്പ് അവഗണിച്ച് വീണ്ടും തെക്കൻ ഗാസ മുനമ്പിലെ നഗരമായ റഫയിൽ ഇസ്രായേൽ സൈന്യം ആക്രമണവുമായി നീങ്ങുന്നു. റഫയിലെ ഹമാസ് ഹോൾഡ് ഔട്ട് ആസന്നമായ ആക്രമണത്തിന് മുന്നോടിയായി പലസ്തീൻ സിവിലിയന്മാരെ ഒഴിപ്പിക്കാൻ ഇസ്രായേൽ സൈന്യം തയ്യാറെടുക്കുകയാണ്. 

ഒരു മുതിർന്ന ഇസ്രയേലി പ്രതിരോധ ഉദ്യോഗസ്ഥൻ ടൈംസ് ഓഫ് ഇസ്രയേലിനോട് ഇക്കാര്യം സ്ഥിരീകരിച്ചു. റഫ ഏറ്റെടുക്കുന്നതിന് ആവശ്യമായ എല്ലാ തയ്യാറെടുപ്പുകളും പൂർത്തിയായെന്നും സർക്കാർ അനുമതി ലഭിക്കുന്ന നിമിഷം ഒരു ഓപ്പറേഷൻ ആരംഭിക്കാമെന്നും പറഞ്ഞു. 

അതേസമയം, ഗാസയിലെ 2.3 ദശലക്ഷത്തിലധികം ആളുകൾക്ക് അഭയം നൽകുന്ന നഗരത്തെ ആക്രമിക്കുന്നതിൽ നിന്ന് പിന്മാറണമെന്ന് അമേരിക്ക ഇസ്രായേലിനോട് അഭ്യർത്ഥിച്ചു. കഴിഞ്ഞ ദിവസങ്ങളിലായി ഇസ്രയേലിൻ്റെ നിലപാടുകളിൽ കടുത്ത വിയോജിപ്പാണ് ബൈഡൻ സർക്കാർ പ്രകടിപ്പിയ്ക്കുന്നത്. എന്നാൽ ഇതിനും വലിയ മാറ്റങ്ങളുണ്ടാക്കാൻ സാധിച്ചിട്ടില്ല. 

ഗാസയുമായുള്ള ഇസ്രയേലിൻ്റെ യുദ്ധത്തെച്ചൊല്ലി നിരവധി യുഎസ് യൂണിവേഴ്സിറ്റി കാമ്പസുകളിലുടനീളമുള്ള ജനകീയ പ്രതിഷേധം ശക്തമാകുന്നു. പ്രതിഷേധക്കാരെ പോലീസ് അടിച്ചമർത്തുകയും നിരവധി പേരെ അറസ്റ്റ് ചെയ്യുകയും ചെയ്തു.

കൊളംബിയ സർവകലാശാലയിൽ ഇതുവരെ ശ്രദ്ധ കേന്ദ്രീകരിച്ചിരുന്ന പ്രക്ഷോഭം ഇപ്പോൾ ഐവി ലീഗ് സ്കൂളുകളായ ഹാർവാർഡും യേലും ഉൾപ്പെടെ കുറഞ്ഞത് അഞ്ച് സർവകലാശാലകളിലേക്കെങ്കിലും വ്യാപിച്ചിരിക്കുന്നു.