ഡല്ഹി: ഇന്ത്യ 100 കോടി കോവിഡ് -19 വാക്സിൻ ഡോസുകൾ നൽകുന്നത് പൂർത്തിയാക്കി വിജയകരമായ നേട്ടം ഇന്നലെ കൈവരിച്ചിരുന്നു. പ്രധാനമന്ത്രി നരേന്ദ്ര മോദിയുടെ നേതൃത്വത്തെ അഭിനന്ദിക്കുകയും അദ്ദേഹത്തിന്റെ നേതൃത്വത്തിൽ ഇന്ത്യ ശരിയായ പാതയിലാണ് പോകുന്നതെന്നും പറയുകയാണ് നിതി ആയോഗ് വൈസ് ചെയർമാൻ രാജീവ് കുമാർ.
"ഈ നേട്ടം ചരിത്രപരമാണ്. നമ്മൾ ഇന്ത്യക്കാർക്ക് എന്തെങ്കിലും നിശ്ചയമുണ്ടെങ്കിൽ അത് നേടാൻ കഴിയും." രാജീവ് കുമാർ പറഞ്ഞു. പ്രധാനമന്ത്രി മോദിയുടെ നേതൃത്വത്തിൽ ഞങ്ങൾ ശരിയായ പാതയിലാണ് പോകുന്നതെന്നും അദ്ദേഹം പറഞ്ഞു.