ദില്ലി: കോണ്ഗ്രസിന്റെ പതിനാറാം സ്ഥാനാര്ത്ഥി പട്ടികയിലും വയനാടും വടകരയുമില്ല. സ്ഥാനാര്ത്ഥികള് നാമ നിര്ദ്ദേശ പത്രിക നല്കാന് തുടങ്ങിയിട്ടും കോണ്ഗ്രസിന്റെ വയനാട്, വടകര മണ്ഡലത്തിലെ സ്ഥാനാര്ത്ഥികളെ ചൊല്ലിയുള്ള അനിശ്ചിതത്വം തുടരുകയാണ്.
ഇതുവരെ 308 മണ്ഡലങ്ങളിലേക്കുള്ള സ്ഥാനാർത്ഥികളെയാണ് കോൺഗ്രസ് പ്രഖ്യാപിച്ചത്. പതിനാറാം പട്ടികയില് 3 സ്ഥാനാർഥികളെ കൂടി പ്രഖ്യാപിച്ചു.
ഗുജറാത്തിലെ ഒരു സീറ്റിലെയും ഹിമാചലിലെ രണ്ട് സ്ഥാനാർഥികളെയുമാണ് കോണ്ഗ്രസ് പ്രഖ്യാപിച്ചത്. ഇതിൽ ഗുജറാത്തിലെ മണ്ഡലം പട്ടികവർഗക്കാർക്കായി സംവരണം ചെയ്യപ്പെട്ടതാണ്.