മസ്കറ്റ്: ഒമാനിലെ മുസന്ദം ഗവർണറേറ്റിൽ ഖസബ് തുറമുഖത്ത് ബോട്ടുകൾക്ക് തീപിടിച്ച് ഒരാൾ മരിച്ചു. ഒമ്പത് പേർക്ക് പരുക്കേറ്റു. മരിച്ചയാളുടെ വിവരങ്ങൾ പുറത്തുവിട്ടിട്ടില്ല.
മൃതദേഹം മോർച്ചറിയിലേക്ക് മാറ്റി. തുറമുഖത്തോട് ചേർന്ന് നിർത്തിയിട്ടിരുന്ന ബോട്ടിന് തീപിടിച്ച് പിന്നീട് മറ്റ് രണ്ട് ബോട്ടുകളിലേക്കും തീ പടരുകയായിരുന്നു. തീപിടിത്തത്തിന്റെ കാരണം വ്യക്തമായിട്ടില്ല.
അഗ്നിശമന സേനയെത്തിയാണ് തീ പൂർണമായും അണച്ചത്. പരുക്കേറ്റവർക്ക് പ്രാഥമിക ചികിത്സ നൽകിയ ശേഷം വിദഗ്ധ പരിചരണത്തിനായി ആശുപത്രിയിലേക്ക് മാറ്റി.