ന്യൂഡല്ഹി: കോവിഡ് വ്യാപനത്തിന്റെ പശ്ചാത്തലത്തില് പാര്ലമെന്റിലും പരിസര പ്രദേശങ്ങളിലും വീണ്ടും ശുചീകരണം നടത്തി. പാര്ലമെന്റ് ജീവനക്കാരായ ആറ് പേര്ക്ക് ഇതിനോടകം കൊറോണ വൈറസ് ബാധിച്ചതിനെ തുടര്ന്നാണ് നടപടി.
പാര്ലമെന്റ് കെട്ടിടത്തിനുള്ളില് പ്രവര്ത്തിക്കുന്ന കേന്ദ്ര പൊതുമരാമത്ത് വകുപ്പ്, ന്യൂഡല്ഹി മുനിസിപ്പല് കൗണ്സില്വകുപ്പുകള്ക്ക് പുറമേ മറ്റ് വിഭാഗങ്ങളിലും ശുചീകരണം നടത്തി. സോഡിയം ഹൈഡ്രോക്ലോറൈഡ് പോലുള്ള രാസ അണുനാശിനികളുപയോഗിച്ചാണ് ശുചീകരണം നടത്തിയത്. കെട്ടിടങ്ങളുടെ അകത്തും പുറത്തും, വിശ്രമ മുറികളിലുമാണ് ശുചീകരണം നടത്തിയത്. മാര്ച്ച് മാസം മുതല് പാര്ലമെന്റില് ശുചീകരണ പ്രവര്ത്തനങ്ങള് നടക്കുന്നുണ്ട്.