ന്യൂഡല്ഹി: റഫാല് വിധിക്കും മഹാരാഷ്ട്ര, ഹരിയാന തെരഞ്ഞെടുപ്പു ഫലങ്ങള്ക്കും പിന്നാലെ പാര്ലമെന്റിന്റെ ശീതകാല സമ്മേളനത്തിന് തിങ്കളാഴ്ച തുടക്കം.
സഭാന്തരീക്ഷം സമാധാനപരമാക്കാന് പതിവുപോലെ ലോക്സഭ സ്പീക്കര് ഓം ബിര്ള എല്ലാ പാര്ട്ടി നേതാക്കളുടെയും യോഗം ശനിയാഴ്ച വിളിച്ചു. പാര്ലമെന്റി കാര്യ മന്ത്രി പ്രഹ്ലാദ് ജോഷി ഞായറാഴ്ചയും യോഗം വിളിച്ചിട്ടുണ്ട്.
മോദി സര്ക്കാര് രണ്ടാമൂഴം അധികാരത്തില് വന്നശേഷം നടക്കുന്ന രണ്ടാമത്തെ പാര്ലമെന്റ് സമ്മേളനമാണിത്. ആദ്യത്തെ സമ്മേളനത്തില് ജമ്മു-കശ്മീര് വിഭജിച്ചതടക്കം സുപ്രധാനമായ നിയമനിര്മാണങ്ങള് ഉണ്ടായിരുന്നു.