കോഴിക്കോട് : നിർധനരായ രോഗികൾക്ക് സൗജന്യ നിരക്കിൽ വിദഗ്ദ്ധ ചികിത്സ ലഭ്യമാക്കാൻ ഇഖ്റ ഹോസ്പിറ്റലും - ബൈത്തുസകാത്ത് കേരളയും തമ്മിൽ ധാരണയായി. ഇഖ്റ ഹോസ്പിറ്റലിൽ നടന്ന ചടങ്ങിൽ ഇത് സംബന്ധിച്ച ധാരണാ പത്രം ഇഖ്റ എക്സിക്യൂട്ടീവ് ഡയറക്ടർ ഡോ.അൻവർ ബൈത്തുസകാത്ത് ട്രസ്റ്റിയും പീപ്പിൾസ് ഫൗണ്ടേഷൻ ചെയർമാനുമായ എം.കെ മുഹമ്മദലിക്ക് കൈമാറി.
പീപ്പിൾസ് ഫൌണ്ടേഷൻ ഏരിയ കോഡിനേറ്റർമാർ മുഖേനയാണ് ഇതിനായുള്ള അപേക്ഷകൾ സ്വീകരിക്കുക. ചടങ്ങിൽ പീപ്പിൾസ് ഫൌണ്ടേഷൻ സെക്രട്ടറി എം.അബ്ദുൽ മജീദ്, അഡ്മിനിസ്ട്രേറ്റർ ഹമീദ് സാലിം എന്നിവരും പങ്കെടുത്തു.