ഡബ്ലിൻ: ബ്ലാഞ്ചാർഡ്സ്ടൗൺ സീറോ മലബാർ കാത്തലിക് കമ്മ്യൂണിറ്റി ഇടവക ദിനം, വിശ്വാസ പരിശീലന വാർഷികം, കുടുംബ യൂണിറ്റുകളുടെ വാർഷികം എന്നിവ സംയുക്തമായി ഫെബ്രുവരി 8 ശനിയാഴ്ച വൈകിട്ട് 4 മണി മുതൽ Dunboyne കമ്മ്യൂണിറ്റി സെന്ററിൽ വച്ച് ആഘോഷിക്കുന്നു.
ബ്ലാഞ്ചാർഡ്സ്ടൗൺ ഫൊറോന വികാരി Rt. Rev. Msgr. Eoin Thynne ആഘോഷപരിപാടികൾ ഉത്ഘാടനം ചെയ്യും.
ഡബ്ലിൻ സീറോ മലബാർ സഭ കോർഡിനേറ്റർ റവ.ഡോ. ക്ലമന്റ് പാടത്തിപ്പറമ്പിൽ അദ്ധ്യക്ഷത വഹിക്കുന്ന യോഗത്തിൽ റവ. ഫാ. രാജേഷ് മേച്ചിറാകത്ത് ആശംസകൾ അർപ്പിച്ച് സംസാരിക്കും.
തുടർന്ന് വിശ്വാസ പരിശീലന വിദ്യാർത്ഥികളുടേയും കുടുംബയൂണിറ്റുകളുടേയും നേതൃത്വത്തിൽ കലാപരിപാടികൾ അരങ്ങേറും. സ്നേഹവിരുന്നോടെ ഇടവകോത്സവം സമാപിക്കും
ഇടവകോത്സവത്തിലേയ്ക്ക് ഏവരേയും സ്നേഹപൂർവ്വം ക്ഷണിക്കുന്നതായി സീറോ മലബാർ സഭാ ചാപ്ലിൻ ഫാ. റോയ് വട്ടക്കാട്ട്, കൺവീനർ, കൈക്കാരന്മാർ, കമ്മറ്റിഅംഗങ്ങൾ, വിശ്വാസപരിശീലന അദ്ധ്യാപകർ എന്നിവർ അറിയിച്ചു.