ചൈനയ്ക്കെതിരേ ഗുരുതര ആരോപണവുമായി സുനക്

ലണ്ടന്‍: ബ്രിട്ടനിലെ പാര്‍ലമെന്ററി ജനാധിപത്യ സംവിധാനത്തില്‍ ചൈന ചാരപ്രവര്‍ത്തനം നടത്തുന്നുവെന്ന് ബ്രിട്ടീഷ് പ്രധാനമന്ത്രി ഋഷി സുനക്. ഇക്കാര്യത്തില്‍ ചൈനീസ് പ്രധാനമന്ത്രിയെ നേരിട്ട് ആശങ്ക അറിയിക്കാനും അദ്ദേഹം തയാറായി.

ജി20 ഉച്ചകോടിക്കിടെ നടന്ന കൂടിക്കാഴ്ചയിലാണ് സുനക് ഈ വിഷയം ചൈനീസ് പ്രധാനമന്ത്രി ലീ ക്വിയാങ്ങിന്റെ ശ്രദ്ധയില്‍പ്പെടുത്തിയത്.

പാര്‍ലമെന്ററി ജനാധിപത്യ ഗവേഷകനെന്ന പേരില്‍ ലണ്ടനില്‍ കഴിയുന്നയാളടക്കം രണ്ടുപേരെ കഴിഞ്ഞ മാര്‍ച്ചില്‍ ഔദ്യോഗിക രഹസ്യ നിയമ പ്രകാരം അറസ്ററ് ചെയ്തിരുന്നു. ചൈനക്കു വേണ്ടി ചാരവൃത്തി നടത്തിയതിനാണ് ഇവര്‍ അറസ്ററിലായതെന്ന് പിന്നീട് വെളിപ്പെടുത്തലും വന്നിരുന്നു.