കുവൈറ്റ്: ഗ്രീക്ക് എൻബസ്സിയും ബ്രിട്ടീഷ് കൗൺസിൽ ഓഫ് സ്പോർട്ടും ചേർന്ന് ബ്രിട്ടീഷ് സ്കൂൾ സാൽവേയിൽ സംഘടിപ്പിച്ച ആറാമത് ഇൻഡിപെഡൻസ് കപ്പ് അന്തർദേശീയ വോളിബോൾ ടൂർണ്ണമെന്റിൽ ടീം ഇന്ത്യ ചാമ്പ്യൻമാരായി.
ടൂർണ്ണമെന്റിൽ ഇന്ത്യ, സിംബാവെ, ഇംഗ്ലണ്ട്, റോമേനിയ, ഫിലിപ്പൈൻസ്, ബി എസ് കെ, കുവൈറ്റ്, പലസ്തീൻ എന്നീ ടീമുകൾ പങ്കെടുത്തു. അതി വാശിയേറിയ മത്സരത്തിൽ ടീം ഇന്ത്യ സെമിഫൈനലിൽ റോമേനിയയെ നേരിട്ടുള്ള സെറ്റുകൾക്ക് പാജയപ്പെടുത്തി.
കലാശ പോരാട്ടത്തിൽ ഇന്ത്യ കുവൈറ്റ് ദേശീയ ടീമിനെ 2-1 ന് പരാജയപ്പെടുത്തി. തൃശ്ശൂർ സ്വദേശി എവിൻ എഡ്വാർഡ് ആണ് ഇന്ത്യൻ ടീമിനെ നയിച്ചത്. മത്സരശേഷം നടന്ന അനുശോചന ചടങ്ങിൽ പൊരുതി നേടിയ കപ്പ് നാടിനായി ജീവനൊടുക്കിയ ബി എസ് എഫ് ജവാന്മാർക്ക് സമർപ്പിച്ചുകണ്ട് കളിക്കാർ രാജ്യസ്നേഹത്തിന്റെ മാതൃകയായി.