കുവൈത്ത് സിറ്റി: അഞ്ച് (5) മണ്ഡലങ്ങളിലേക്ക് നടക്കുന്ന നിയമസഭാ ഉപതിരെഞ്ഞെടുപ്പിന്റെ ആവേശം കുവൈത്തിലും. കുവൈത്ത് കെ.എം.സി.സി. സംസ്ഥാന കമ്മിറ്റിയുടെ ആഭിമുഖ്യത്തിൽ "കലാശക്കൊട്ട്" സംഘടിപ്പിക്കുന്നു.
മഞ്ചേശ്വരത്ത് എം.സി. ഖമറുദ്ദീനും എറണാകുളത്ത് ടി.ജെ.വിനോദും അരൂരിൽ ഷാനിമോൾ ഉസ്മാനും കോന്നിയിൽ പി. മോഹൻ രാജും വട്ടിയൂർകാവിൽ കെ.മോഹൻ കുമാറുമാണ് യു.ഡി.എഫ്. സ്ഥാനാർത്ഥികൾ.
ഇന്ന് വൈകിട്ട് 7 മണിക്ക് അബ്ബാസിയയിലെ കെ.എം.സി.സി. ഹാളിൽ നടക്കുന്ന പരിപാടിയിൽ കുവൈത്തിലെ പ്രമുഖ യു.ഡി.എഫ്.നേതാക്കൾ സംബന്ധിക്കും.
കുവൈത്തിലെ മുഴുവൻ ഫാഷിസ്റ്റ് വിരുദ്ധ, മതേതര-ജനാധിപത്യ വിശ്വാസികളേയും പരിപാടിയിലേക്ക് സ്വാഗതം ചെയ്യുന്നതായി കുവൈത്ത് കെ.എം.സി.സി. സംസ്ഥാന പ്രസിഡന്റ് ഷറഫുദ്ദീൻ കണ്ണേത്തും ആക്ടിംഗ് ജനറൽ സെക്രട്ടറി എഞ്ചി. മുഷ്താഖും വാർത്താകുറിപ്പിൽ അറിയിച്ചു.