കുവൈറ്റ്: കുവൈറ്റ് ഇന്ത്യൻ എംബസിയിൽ 15 -)മത് പ്രവാസി ഭാരതീയ ദിവസ് ആഘോഷിച്ചു. കുവൈറ്റിത്തിലെ ബ്രിട്ടീഷ് അംബാസഡർ മൈക്കൽ ഡാവൻപോർട്ട്, ദക്ഷിണാഫ്രിക്കൻ അംബാസഡർമാർ എം.പി. ബോണ എന്നിവർ വിശിഷ്ടാതിഥികളായിരുന്നു.
വിവിധ രാജ്യങ്ങളുടെ സ്ഥാനപതികളും വിദേശകാര്യ മന്ത്രാലയ ജീവനക്കാരും കുവൈറ്റി പ്രമുഖരും ഇന്ത്യൻ സമൂഹത്തിലെ പ്രമുഖരും പങ്കെടുത്തു. ചടങ്ങിൽ ഇന്ത്യൻ അംബാസഡർ കെ. ജീവസാഗർ സംസാരിച്ചു. കുവൈറ്റിലെ പ്രമുഖ വ്യവസായിയായ കെ ജി എബ്രാഹമിനെ ചടങ്ങില് ആദരിച്ചു.
കുവൈറ്റി ഗായകൻ മുബാറക് അൽ റാഷിദ് ഗാനങ്ങൾ ആലപിച്ചു. കുവൈറ്റി വയലിനിസ്റ്റ് അബ്ദുൽ അസീസ് വയലിനിൽ ഒപ്പം ചേര്ന്നു.
വിദേശകാര്യ മന്ത്രാലയം നടത്തിയ ക്വിസ് മത്സരത്തിലെ വിജയികൾക്ക് സമ്മാനവും വിതരണം ചെയ്തു.