കുവൈറ്റ്: രണ്ടു ദിവസമായി പെയ്യുന്ന മഴ ഇന്ന് രാത്രി 8 മണി മുതല് നാളെ പുലര്ച്ചെ 4 മണിവരെ തുടരാന് ഇടയുണ്ടെന്ന് മുന്നറിയിപ്പ്. രാത്രി 8 മുതല് 11 വരെ മഴ ശക്തിപ്പെടും. 12 മുതല് 1 മണിവരെ കനത്ത മഴയ്ക്ക് സാധ്യതയെന്നാണ് മുന്നറിയിപ്പ്. പുലര്ച്ചെ 4 മണി വരെ മഴ തുടരുകയും ചെയ്യും.
ഇന്നലെ വൈകുന്നെരത്തെ മഴയില് ഫാഹേല്, ജഹ്ര, മംഗഫ് മേഖലകളില് റോഡുകളില് വെള്ളം കയറി ഗതാഗതം തടസപ്പെടുകയും വാഹനങ്ങള് മുങ്ങുകയും ചെയ്തിരുന്നു. അതിനുശേഷം ഇന്ന് പകലാണ് ഗതാഗതം സുഗമമായത്.
കുവൈറ്റില് മിക്കയിടങ്ങളില് ഇപ്പോഴും ചാറ്റല് മഴ തുടരുന്നുണ്ട്. ഈ മഴ രാത്രിയോടെ ശക്തിപ്പെടുമെന്നാണ് മുന്നറിയിപ്പ്. താഴ്ന്ന പ്രദേശങ്ങളില് താമസിക്കുന്നവര് ജാഗ്രത പാലിക്കാന് നിര്ദ്ദേശമുണ്ട്.