കുവൈത്ത്: കുവൈത്ത് കെ.എം.സി.സി.യുടെ ഘടനാ മാറ്റത്തിന്റെ ഭാഗമായി രൂപം കൊണ്ട തൃക്കരിപ്പൂർ മണ്ഠലം കമ്മിറ്റിയുടെ പ്രഥമ പരിപാടിയായ തൃക്കരിപ്പൂർ ഫെസ്റ്റ് മാർച്ച് 22 നു അരങ്ങേറും.
അബ്ബാസിയ നോട്ടിംഗ് ഹാം സ്കൂളിൽ ഉച്ചക്ക് ഒരു മണി മുതൽ ആരംഭിക്കുന്ന പരിപാടിയിൽ മുസ്ലിം ലീഗ് കാസർഗ്ഗോഡ് ജില്ലാ പ്രസിഡന്റ് എം.സി ഖമറുദ്ധീൻ , ജില്ലാ പഞ്ചായത്ത് പ്രസിഡന്റ് എ.ജി.സി.ബഷീർ , തൃക്കരിപ്പൂർ മണ്ഠലം മുസ്ലിം ലീഗ് ഭാരവാഹികളായ ശംസുദ്ധീൻ ഹാജി , അഡ്വ. എം.ടി.പി.കരീം മാപ്പിളപ്പാട്ട് ഗായകരായ നിസാം തളിപറമ്പ് , മെഹറുന്നിസ നിസാം , സിഫ്രാൻ നിസാം എന്നിവർ പങ്കെടുക്കും.
ഫെസ്റ്റിന്റെ ഭാഗമായി തൃക്കരിപ്പൂർ മണ്ഠലത്തിലെ 8 പഞ്ചായത്തുകളിലും ഒരു മുൻസിപാലിറ്റിയിലും ഉള്ള കുവൈത്ത് കെ.എം.സി.സി അംഗങ്ങളിൽ നിന്നും അർഹരായവരെ കണ്ടെത്തി ബൈത്തുൽ റഹ്മ പദ്ധതി നടപ്പിലാക്കും.അംഗങ്ങളിൽ അർഹരായവർ ഇല്ലെങ്കിൽ മണ്ഠലം പരിധിയിലെ നിർദ്ധനരായവരെ കണ്ടെത്തുന്നതാണെന്നും , കേരളത്തിലെ ഇരുപതു മണ്ഡലങ്ങളിലും ലീഗിന്റെ സ്ഥാനാത്ർത്ഥികളാണ് മത്സരിക്കുന്നതെന്നും അവരുടെ വിജയത്തിനായി തങ്ങൾ പ്രവർത്തിക്കുമെന്നും ഭാരവാഹികൾ വാർത്താ സമ്മേളനത്തിൽ അറിയിച്ചു.
പ്രസിഡന്റ് ഖാദർ തൈക്കാട് , ജനറൽ സെക്രട്ടറി റഫീഖ് ഒളവറ,ട്രഷറർ സലീം ഉദിനൂർ , വൈസ് പ്രസിഡന്റ് മിസ്ബാഹ് മാടമ്പില്ലത്ത് ,സെക്രടറിമാരായ അമീർ കമ്മാടം , ഫാറൂഖ് തൈക്കാട് , നൗഷാദ് ചന്തേര , ഫെസ്റ്റ് കോ ഓർഡിനെറ്റർ എം.സി.അബ്ദുല്ല , ഇഖ്ബാൽ മാവിലാടം , സൈനുദ്ധീൻ കടിഞ്ഞി മൂല , ഈ.കെ.മുസ്തഫ , അഷ്രഫ് തൃക്കരിപ്പൂർ , പി.പി.ഇബ്രാഹിം എന്നിവർ പങ്കെടുത്തു.