യു.എ.ഇ.ആദ്യമായി കുട്ടികളുടെ ഗാനമേള ഇന്ന് ഷാർജയിൽ

ഷാർജ: ദർശന സാംസ്കാരി സംഘടനയുടെ നേതൃത്വത്തിൽ വിദ്യാർത്ഥികളെ സംഘടിപ്പിച്ച് കൊണ്ട് യു.എ.ഇ.യിൽ ആദ്യമായി കുട്ടികളുടെ ഗാനമേള സംഘടിപ്പിക്കുന്നു.

ഇന്ന് (26.09.2019 വ്യാഴം) രാത്രി ഏഴു മണിക്ക് ഷാർജ ഇന്ത്യൻ അസോസിയേഷനിൽ വെച്ചാണ് പരിപാടി നടക്കുന്നതെന്ന് പ്രോഗ്രാം കോഡിനേറ്റർ പുന്നക്കൻ മുഹമ്മദലി. വളർന്നു വരുന്ന പ്രവാസി വിദ്യാർത്ഥികളായ ദേവിക സൂര്യപ്രകാശ്, കല്ല്യാണിവർമ്മ, അശ്വതി നായർ, അനഘ അജയ്, ദിശ പ്രകാശ്, എന്നിവരാണ് ഈ ഗാനമേളയിൽ അണിനിരക്കുന്നത്.

ഗായകൻ ഷെഫീക്കിന്റെ നേതൃത്വത്തിൽ നടക്കുന്ന പരിപാടി മാധ്യമ പ്രവർത്തകനും കലാകാരനുമായ റെജി മന്നേൽ നിയന്ത്രിക്കും. ചടങ്ങിൽ വെച്ച് ഒറ്റയാൾ നാടകമായ 'ചക്കര പന്തലിന്റെ' അണിയറ ശില്പികളായ ശിവദാസ് പൊയിലക്കാവ്, അപ്പുണ്ണി ശശി, അൻവർ അലി കുറിമേൽ, സൻജീർ സലാം എന്നിവരെ ആദരിക്കും.