മുംബൈ: കൊവിഡ് വ്യാപനം രൂക്ഷമായ പശ്ചാത്തലത്തില് മഹാരാഷ്ട്രയില് ലോക്ക്ഡൗണിന് സമാനമായ നിയന്ത്രണങ്ങള് ഏര്പ്പെടുത്തുന്നത് സംബന്ധിച്ച പദ്ധതി തയ്യാറാക്കാന് ഉന്നത ഉദ്യോഗസ്ഥര്ക്ക് മുഖ്യമന്ത്രി ഉദ്ധവ് താക്കറെയുടെ നിര്ദ്ദേശം.
കോവിഡ് കേസുകള് കുതിച്ചുയരുന്നതില് ഉദ്യോഗസ്ഥര് യോഗത്തില് ആശങ്ക രേഖപ്പെടുത്തി. മരണസംഖ്യ വന്തോതില് ഉയര്ന്നേക്കുമെന്ന ആശങ്കയും ഉദ്യോഗസ്ഥര് പങ്കുവച്ചു. കോവിഡ് നിയന്ത്രണങ്ങള് പാലിക്കാന് ജനം തയ്യാറാകാത്തപക്ഷം ലോക്ക്ഡൗണിലേക്ക് തന്നെ നീങ്ങേണ്ടിവരുമെന്ന് യോഗത്തില് ആരോഗ്യമന്ത്രി രാജേഷ് ടോപ്പേ പറഞ്ഞു.