ന്യൂഡല്ഹി: കോവിഡ് വ്യാപനത്തിന്റെ പശ്ചാത്തലത്തില് കേന്ദ്ര സര്ക്കാര് നടത്തുന്ന വാക്സിനേഷന് ഉത്സവം തട്ടിപ്പാണെന്ന് കോണ്ഗ്രസ് നേതാവ് രാഹുല് ഗാന്ധി. മതിയായ കിടക്കകളും മെഡിക്കല് ഓക്സിജനും വാക്സിനുകളും ലഭ്യമല്ലാതെ കേന്ദ്രത്തിന്റെ പോരായ്മ തുറന്നുകാട്ടപ്പെട്ടിരിക്കുകയാണ്.
എന്നാല് വാക്സിന് ഉത്സവം എന്ന പേരില് തട്ടിപ്പ് നടത്തുകയാണെന്നും രാഹുല് ട്വിറ്ററില് പറഞ്ഞു. കോവിഡ് പ്രതിസന്ധി കൈകാര്യം ചെയ്യുന്നതിന് വേണ്ടി രൂപം നല്കിയ പിഎം കെയേഴ്സ് എന്താണ് ചെയ്യുന്നതെന്നും രാഹുല് ചോദിച്ചു. രാജ്യത്ത് കോവിഡ് കേസുകള് ദിനംപ്രതി കുതിച്ചുയരുന്നതിന്റെ പശ്ചാത്തലത്തിലാണ് കേന്ദ്രത്തെ വിമര്ശിച്ച് രാഹുല് വീണ്ടും എത്തിയത്.