ന്യൂഡല്ഹി: ദക്ഷിണേന്ത്യയെ തഴയുന്നവര്ക്കുള്ള മറുപടിയാണ് വയനാട്ടിലെ തന്റെ സ്ഥാനാര്ഥിത്വമെന്ന് കോണ്ഗ്രസ് അധ്യക്ഷന് രാഹുല് ഗാന്ധി. കോണ്ഗ്രസ് പ്രകടനപത്രിക പുറത്തിറക്കുന്ന ചടങ്ങില് സംസാരിക്കുകയായിരുന്നു അദ്ദേഹം.
നരേന്ദ്ര മോദി സര്ക്കാരിന്റെ എതിര്പ്പ് ഏറ്റവും കൂടുതല് നേരിട്ടവരാണ് ദക്ഷിണേന്ത്യക്കാര്. എന്നാല് താന് അവര്ക്കൊപ്പമാണെന്ന് അവരോട് പറയാന് ആഗ്രഹിക്കുന്നതായും രാഹുല് പറഞ്ഞു.
വയനാട്ടില്നിന്ന് മത്സരിക്കുന്ന വിഷയത്തില് ഇതാദ്യമായാണ് രാഹുല് മാധ്യമങ്ങളോട് പ്രതികരിക്കുന്നത്. അഴിമതി, രാജ്യസുരക്ഷ, തൊഴില് തുടങ്ങിയ വിഷയങ്ങളില് മോദിയെ സംവാദത്തിന് വെല്ലുവിളിക്കുന്നതായും രാഹുല് പറഞ്ഞു.