ഗോഹട്ടി: ആസാമിലെ ബിജെപി സ്ഥാപക നേതാവ് ആര്.പി. സര്മ കോണ്ഗ്രസില് ചേര്ന്നു. മുന് മുഖ്യമന്ത്രി തരുണ് ഗൊഗോയിക്കൊപ്പം ഡല്ഹിയില് എഐസിസി ജനറല് സെക്രട്ടറി കെ.സി. വേണുഗോപാലിനെ സന്ദര്ശിച്ചശേഷമാണ് അദ്ദേഹം കോണ്ഗ്രസില് ചേരുന്നതായി അറിയിച്ചത്.
ബിജെപിയുടെ മുന് തേസ്പുര് എംപിയാണ് രാം പ്രസാദ് സര്മ. കഴിഞ്ഞ വര്ഷം മാര്ച്ചില് സര്മ ബിജെപി നേതൃത്വത്തിനു രാജി സമര്പ്പിച്ചിരുന്നു. ഹിമാന്ത ബിശ്വ ശര്മയ്ക്ക് തേസ്പുര് മണ്ഡലം നല്കുമെന്ന സൂചനകളെ തുടര്ന്നായിരുന്നു രാജി. എന്നാല് പിന്നീട് പല്ലബ് ലോചന് ദാസിനെയാണ് ബിജെപി മണ്ഡലത്തില് മത്സരിപ്പിച്ചത്.
മാര്ച്ച് ഒന്നിന് ഗോഹട്ടിയില് നടക്കുന്ന റാലിയില് സര്മ ഒൗദ്യോഗികമായി കോണ്ഗ്രസില് ചേരുമെന്നാണു റിപ്പോര്ട്ട്.