ന്യൂഡല്ഹി: രാഹുല് ഗാന്ധി പാര്ട്ടി അധ്യക്ഷനായി തിരിച്ചുവരുമെന്നാണ് കോണ്ഗ്രസിലെ വലിയൊരു വിഭാഗം കരുതുന്നതെന്ന് മുതിര്ന്ന നേതാവ് സല്മാന് ഖുര്ഷിദ്. അദ്ദേഹം പാര്ട്ടിയുടെ പരമോന്നത നേതാവായി തുടരും. രാഹുല് ആഗ്രഹിക്കുന്ന സമയത്ത് അനുയോജ്യമായ തീരുമാനമെടുക്കാന് അദ്ദേഹത്തെ അനുവദിക്കണമെന്നും ഖുര്ഷിദ് പറഞ്ഞു.
കോണ്ഗ്രസ് പാര്ട്ടി മാറ്റത്തിന്റെ പാതയിലൂടെയാണ് കടന്നുപോകുന്നത്. സോണിയ ഗാന്ധി തലപ്പത്തുള്ളതിനാല് പാര്ട്ടിയില് നേതൃത്വ പ്രതിസന്ധിയില്ലെന്നും അദ്ദേഹം പറഞ്ഞു. വാര്ത്താ ഏജന്സിയായ പിടിഐയ്ക്കു നല്കിയ അഭിമുഖത്തില് നല്കിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.
നേരത്തെ ശശി തരൂരും സന്ദീപ് ദീക്ഷിതും അടക്കമുള്ളവര് പാര്ട്ടിയിലെ നേതൃത്വ പ്രതിസന്ധിയില് ആശങ്ക പ്രകടിപ്പിച്ചിരുന്നു. കോണ്ഗ്രസ് വര്ക്കിംഗ് കമ്മിറ്റി ചേര്ന്ന് നേതൃത്വത്തെ തിരഞ്ഞെടുക്കണമെന്നു തരൂര് ആവശ്യപ്പെട്ടിരുന്നു. ആവശ്യപ്പെട്ടിരുന്നു. എന്നാല് ഇത്തരം അഭിപ്രായങ്ങള് പാര്ട്ടി ഗുണം ചെയ്യില്ലെന്നാണ് ഖുര്ഷിദിന്റെ നിലപാട്.