ദില്ലി: മോദിയെ കണക്കറ്റ് പരിഹസിച്ച് നടനും ലോക്സഭാംഗവുമായ ശത്രുഘ്നന് സിന്ഹയുടെ ട്വീറ്റ്. 'പുറത്തുപോകുന്ന ബഹുമാനപ്പെട്ട സര്-ജി (honble outgoing Sirji)' എന്നാണ് സിന്ഹ ട്വീറ്റില് മോദിയെ അഭിസംബോധന ചെയ്തിരിക്കുന്നത്.
മാത്രമല്ല, മോദിയുടെ പ്രസംഗങ്ങള് ആവര്ത്തന വിരസത അനുഭവപ്പെടുന്നുവെന്നും ഉള്ളടക്കവും തീവ്രതയും ഇല്ലാത്തതാണെന്നും സിന്ഹ കുറിപ്പില് വിമര്ശിക്കുന്നു.
'ഞാനിപ്പോഴും താങ്കളുടെ അഭ്യുദയകാംക്ഷിയാണ്. എന്നാല് അതില് ഇ.വി.എം ദുരുപയോഗവും താങ്കളുടെ ധാര്ഷ്ട്യവും ഉള്പ്പെടില്ല. നേര്വഴിക്കു പോകണമെന്നാണ് ഈ പതിനൊന്നാം മണിക്കൂറിലും എനിക്കു താങ്കളോട് വിനീതമായി അഭ്യര്ഥിക്കാനുള്ളത്.'- സിന്ഹ കുറിച്ചിരിക്കുന്നു.
കഴിഞ്ഞയാഴ്ചയാണ് ബിജെപിയില് നിന്നും കോണ്ഗ്രസിലെത്താനുള്ള സന്നദ്ധത സിന്ഹ ഔദ്യോഗികമായി അറിയിച്ചത്.
ആര്.ജെ.ഡി. നേതാവും തന്റെ കുടുംബ സുഹൃത്തുമായ ലാലുപ്രസാദ് യാദവിന്റെ നിര്ദേശ പ്രകാരമാണ് താന് കോണ്ഗ്രസില് ചേരാന് തീരുമാനിച്ചതെന്ന് അദ്ദേഹം വെളിപ്പെടുത്തല് നടത്തിയിരുന്നു.