"അക്കാദമി ചെയര്‍മാന്‍ രഞ്ജിത്ത് സ്ത്രീവിരുദ്ധന്‍ , മദ്യവും മദിരാശിയും പേറുന്നയാള്‍, കുടിച്ച് ലക്ക് കെട്ട് എന്റെ അരികിലിരുന്നു" എഴുത്തുകാരിയും പ്രസാധകയുമായ ഷഹനാസിന്റെ ഫേസ് ബുക്ക് പോസ്റ്റ്

ചലിച്ചിത്ര അക്കാദമി ചെയര്‍മാന്‍ രഞ്ജിത്ത് പൊതുപരിപാടിയില്‍ മദ്യപിച്ചു ലക്ക് കെട്ടു തന്റെ തൊട്ടടുത്ത് വന്നിരുന്ന കാര്യം വെളിപ്പെടുത്തി പ്രസാധകയും എഴുത്തുകാരിയുമായ എം എ ഷഹനാസ്. അദ്ദേഹത്തെ നാറിയിട്ട് അവിടെ ഇരിക്കാന്‍ പോലും കഴിയില്ലായിരുന്നുവെന്നാണ് ഷഹനാസ് തന്റെ ഫേസ് ബുക്ക് പോസ്റ്റില്‍ കുറിച്ചത്.

പണ്ട് സിനിമയിലെ ഒരു അതിജീവിതയെ ഐ എഫ് എഫ് കെ വേദയില്‍ കൊണ്ടുവന്നിരുത്തി അദരിച്ചപ്പോള്‍ താനടക്കമുള്ള സ്ത്രീകള്‍ അദ്ദേഹത്തെ ബഹുമാനത്തോടെയാണ് കണ്ടിരുന്നത്. എന്നാല്‍ പഴയൊരു കലാകരാന്റെ ഓര്‍മപുതുക്കുന്ന ചടങ്ങിന് ക്ഷണിതാവായി അദ്ദേഹം വേദയില്‍ എത്തിയത് മദ്യപിച്ച് ലക്ക് കെട്ടായിരുന്നു.

ഒരു വേദിയില്‍ കാണിക്കേണ്ട മര്യാദ പോലും ഇല്ലാതെ ഇദ്ദേഹം പെരുമാറിയതിനെക്കുറിച്ച് താന്‍ അത്ഭുതം കൂറിയെന്നും ഷഹനാസ് പറയുന്നു. അത് കൊണ്ട് തന്നെ അദ്ദേഹത്തിന് ഇന്നലെ കിട്ടിയ കൂവല്‍ തനിക്ക് വളരെ സന്തോഷം നല്‍കുന്നുവെന്നും ഷഹനാസ് തന്റെ ബുക്ക് പോസ്റ്റില്‍ പറയുന്നു. യഥാര്‍ത്ഥ എസ് എഫ് ഐക്കാരാണ് അദ്ദേഹത്തെ കൂവിയതെന്നും ഷഹനാസ് കുറിച്ചു.

എസ് എഫ് ഐ യുടെ തോളില്‍ കയറി ഇരുന്നാലും കൂവി തോല്‍ല്പിക്കുന്ന ഒരു യുവ ജനത തനിക്കൊക്കെ ശേഷം ഇവിടെ പടര്‍ന്നു പന്തലിക്കുന്നു എന്ന ഭീഷണിയാണ് ഓര്‍ത്ത് വെച്ചോളൂ സ്ത്രീവിരുദ്ധനും മദ്യവും മദിരാശിയും പേറുന്ന ചലച്ചിത്ര അക്കാദമി ചെയര്‍മാന്‍ രഞ്ജിത്തേ എന്ന് പറഞ്ഞുകൊണ്ടാണ് ഷഹനാസ് തന്റെ പോസ്റ്റ് അവസാനിപ്പിക്കുന്നത്.

ഷഹനാസിന്റെ ഫേസ് ബുക്ക് പോസ്റ്റ്

സത്യം പറയാലോ മദ്യപിച്ചു ലക്കുകെട്ട് വന്നിരുന്ന അദ്ദേഹത്തെ നാറിയിട്ട് അവിടെ ഇരിക്കാൻ പോലും വയ്യായിരുന്നു...ഒരു വേദിയിൽ കാണിക്കേണ്ട ഒരു മര്യാദയും ഇല്ലാതെ ഇയാൾ ഇതെന്താ ഇങ്ങനെ? അന്ന് ഓർക്കുകയും ചെയ്തു...വിഷമം തോന്നി. പിന്നെ തോന്നി ഈ ബിംബങ്ങൾ ഒക്കെ ഇങ്ങനെ തന്നെയെന്ന്...തകർന്ന് വീഴാൻ ആണ് ഇവർക്കൊക്കെ യോഗം എന്നും

ഒരിക്കൽ മാത്രമേ ഇയാളുടെ പേര് ഒരു പോസ്റ്റിൽ ഞാൻ വലിച്ച് ഇട്ടിട്ടുള്ളു...(എന്നിട്ട് എന്നെ എല്ലാരും കൂടെ അങ്ങ് പിടിച്ചു തിന്നു )

ഇന്ന് വീണ്ടും ആവർത്തിക്കാതെ പോയാൽ അത് മനസാക്ഷിക്ക് നിരക്കാത്തത് ആയി പോകും....