ന്യൂഡല്ഹി: കോണ്ഗ്രസ്-എന്.സി.പി സഖ്യവുമായി കൈകോര്ക്കാനുള്ള ശിവസേന തീരുമാനത്തില് പ്രതിഷേധിച്ച് പ്രവര്ത്തകന് പാര്ട്ടിവിട്ടു. യുവസേന നേതാവായ രമേഷ് സോളങ്കിയാണ് രാജിക്കത്ത് സമര്പ്പിച്ചത്. ചൊവ്വാഴ്ച രാത്രിയാണ് അദ്ദേഹം രാജിക്കത്ത് നല്കിയത്.
യുവസേനയിലെ പദവികള് രാജിവെക്കുകയാണെന്നും മഹാരാഷ്ട്രയിലെ ജനങ്ങളെ സേവിക്കാന് അവസരം നല്കിയ ഉദ്ധവ് താക്കറെയോട് നന്ദിയറിയിക്കുയാണെന്നും അദ്ദേഹം പറഞ്ഞു.
തന്റെ ബോധ്യവും ആദര്ശങ്ങളും കോണ്ഗ്രസിനൊപ്പം ചേര്ന്ന് പ്രവര്ത്തിക്കാന് അനുവദിക്കുന്നില്ല. ഇരു മനസുമായി ശിവസേനയില് പ്രവര്ത്തിക്കാന് താല്പര്യമില്ലെന്നും രമേഷ് സോളങ്കി വ്യക്തമാക്കി.