ആറ്റുകാല്‍ പൊങ്കാല; പ്രത്യേക ട്രെയിന്‍ സര്‍വ്വീസുകളുമായി റെയില്‍വേ

ആറ്റുകാല്‍ പൊങ്കാലയോടനുബന്ധിച്ച് റെയില്‍വേ പ്രത്യേക ട്രെയിന്‍ സര്‍വീസുകള്‍ നടത്തും. യാത്രക്കാരുടെ തിരക്ക് കണക്കിലെടുത്ത് അഞ്ച് അധിക സര്‍വീസുകളാണ് റെയില്‍വേ ക്രമീകരിച്ചിരിക്കുന്നത്.19 നു ഉച്ചയ്ക്കു രണ്ടു മണിക്കും, 20 നു രാവിലെ നാലു മണിക്കും കൊല്ലത്ത് നിന്നും തിരുവനന്തപുരത്തേക്ക് പ്രത്യേക ട്രെയിനുണ്ടാകും. പൊങ്കാല ദിവസമായ 20 നു ഉച്ചയ്ക്കു 2 മണി, 3.30, 4.15 എന്നീ സമയങ്ങളില്‍ തിരുവനന്തപുരത്ത് നിന്ന് കൊല്ലത്തേക്കും പ്രത്യേക സര്‍വീസുണ്ടാകും. 19നും 20നും എക്‌സ്പ്രസ്സ് ട്രെയിനുകള്‍ക്ക് അധിക സ്റ്റോപ്പുകളും അനുവദിച്ചിട്ടുണ്ട്.