ബോളിവുഡിലെ ഗ്ലാമര് തരംഗമായി മാറിയ സണ്ണി ലിയോണ് ഇനി മലയാളത്തിലേയ്ക്കും . കേരളത്തില് ഏറെ ആരാധകരുള്ള സണ്ണി ഒമര് ലുലു സംവിധാനം ചെയ്യുന്ന ചിത്രത്തിലൂടെയാണ് മോളിവുഡില് അരങ്ങേറ്റം കുറിക്കുന്നത്.
ജയറാമാണ് നായകന്. സണ്ണിക്കുമൊപ്പം ഹണി റോസ്, ധര്മ്മജന് ബോള്ഗാട്ടി, വിനയ് ഫോര്ട്ട് എന്നിവരും ചിത്രത്തിലുണ്ടാകും.
സണ്ണിയുടെ കഥാപാത്രത്തെക്കുറിച്ച് കൂടുതല് വിവരങ്ങള് പുറത്തു വിട്ടിട്ടില്ല. ഷാന് റഹ്മാനാകും സംഗീതം ഒരുക്കുക. ‘ഒരു അഡാര് ലൗ’ എന്ന ചിത്രത്തിന് ശേഷമാകും ഒമര് ലുലു ഈ ചിത്രത്തിന്റെ പണിപ്പുരയിലേക്ക് കടക്കുക.
ഇതുമായി ബന്ധപ്പെട്ട ഔദ്യോഗിക സ്ഥിരീകരണം ഉടനുണ്ടാകുമെന്നാണ് പ്രതീക്ഷിക്കുന്നത്. ഇക്കാര്യത്തില് പൂര്ണമായ സ്ഥിരീകരണം ഇനിയും ആയിട്ടില്ല.
സണ്ണി മുമ്പ് കൊച്ചിയില് വന്നപ്പോള് ജനസാഗരമായിരുന്നു കാണാന് ഒഴുകിയെത്തിയത്. കൊച്ചി നഗരം അന്നോളം കണ്ടതില് ഏറ്റവും വലിയ ആള്ക്കൂട്ടമായിരുന്നു അത്.
ആരാധകരില് ഉള്ള സണ്ണിയുടെ സ്വാധീനം സിനിമയിലേക്ക് എത്തിക്കാനാണ് അണിയറ നീക്കങ്ങള്. മുമ്പ് മിയാ ഖലീഫ ചിത്രത്തിലെത്തുന്ന തരത്തില് വാര്ത്തകള് പ്രചരിച്ചിരുന്നു.