സുശാന്തിന്റെ ദിൽ ബേചാരയിലെ 'ഖുൽകെ ജീനേ കാ' എന്ന പ്രണയാർദ്രമായ മറ്റൊരു ഗാനവും തരംഗമായി

സുശാന്ത് സിംഗ് രാജ്പുത് അവസാനമായി അഭിനയിച്ച " ദിൽ ബേചാര " ജൂലൈ 24 -നു ഡിസ്‌നി+ഹോട്സ്റ്റാർ വി ഐ പി യിലൂടെ ഒ ടി ടി റിലീസിന് തയ്യാറെടുത്തിരിക്കവേ ,ദിവസങ്ങൾ മാത്രം ബാക്കി നിൽക്കെ സുശാന്തിന്റെ മറ്റൊരു ഡ്യുയറ്റ് ഗാന വിഡിയോയും പുറത്തു വിട്ടിരിക്കയാണ് ഫോക്സ് സ്റ്റാർ സ്റ്റുഡിയോസ് . ഏ ,ആർ .റഹ്‌മാൻ ചിട്ടപ്പെടുത്തി , സുശാന്ത് സിംഗ് രാജ്പുതും പുതുമുഖ നായിക സഞ്ജനാ സംഘിയും ചുവടു വെച്ച, പാരിസ് നഗരത്തിന്റെ മനോഹാരിതയുടെ പശ്ചാത്തലത്തിൽ ചിത്രീകരിച്ച 'ഖുൽകെ ജീനേ കാ' എന്ന റൊമാന്റിക് ഗാന വീഡിയോയാണ് കഴിഞ്ഞ ദിവസം പുറത്തു വിട്ടത്.

യു ട്യൂബിൽ റിലീസ് ചെയ്‌ത്‌ ഇരുപത്തി നാലു മണിക്കൂറിനകം തന്നെ ഈ ഗാനവും ഒമ്പതു മില്യൺ കാഴ്ചക്കാരെ നേടി സോഷ്യൽ മീഡിയകളിൽ വൈറലായിരിക്കയാണ്. അകാലത്തിൽ പൊലിഞ്ഞ സുശാന്ത് സിംഗ് രാജ്പുത് ആരാധക മനസ്സുകളിൽ മരണമില്ലാതെ ജീവിക്കുന്നതിന്റെ ദൃഷ്ടാന്തമാണ് ഈ ഗാനത്തിന്റെ വിജയവും . മുകേഷ് ചാബ്ര സംവിധാനം ചെയ്ത പ്രഥമ ചിത്രമാണ് " ദിൽ ബേചാര" .