ന്യൂഡല്ഹി: ഐടി സേവന കമ്പനിയായ ടാറ്റ കണ്സല്റ്റന്സി സര്വീസ് (ടിസിഎസ്) വീണ്ടും ലോകത്തിലെ തന്നെ ഏറ്റവും മൂല്യമുള്ള ഐടി കമ്പനിയായി. അമേരിക്കന്-ഐറിഷ് മള്ട്ടിനാഷണല് കമ്പനിയായ അക്സഞ്ചറിനെ പിന്നിലാക്കിയാണ് ടിസിഎസ് ഈ നേട്ടം സ്വന്തമാക്കിയത്. തിങ്കളാഴ്ച കമ്ബനിയുടെ വിപണിമൂല്യം 169.9 ബില്യണ് ഡോളറായി ഉയര്ന്നു.
2018ല് ഐബിഎമ്മായിരുന്നു വിപണി മൂല്യത്തില് മുന്നില്. ടിസിഎസിനെക്കാള് 300 ശതമാനം വരുമാനമുണ്ടായിരുന്നു അന്ന് ഐബിഎമ്മിന്. കഴിഞ്ഞ ഏപ്രിലില് വിപണി മൂല്യം 100 ബില്യണ് കടന്നതോടെയാണ് ടിസിഎസ് കുതിച്ചത്. 3,317 രൂപ നിലവാരത്തിലാണ് ടിസിഎസിന്റെ ഓഹരി വില.
ടാറ്റ ഗ്രൂപ്പിന്റെ അധീനതയില് പ്രവര്ത്തിക്കുന്ന ഇന്ത്യയിലെ ഏറ്റവും വലിയ കണ്സള്ട്ടന്സി ഔട്ട്സോഴ്സറായ ടിസിഎസിന്റെ ആസ്ഥാനം മുംബൈയാണ്. ഡിസംബറില് അവസാനിച്ച പാദത്തില് 8,701 കോടി രൂപയാണ് കമ്ബനിയുടെ അറ്റാദായം.
രാജ്യത്തെ മുന്നിരയിലുള്ള പത്ത് കമ്ബനികളുടെ വിപണി മൂല്യത്തില് കഴിഞ്ഞയാഴ്ച മാത്രം 1,15,758,.53 കോടി രൂപയുടെ വര്ധനവാണുണ്ടായത്. റിലയന്സ് ഇന്ഡസ്ട്രീസ്, ടിസിഎസ്, ഹിന്ദുസ്ഥാന് യുണിലിവര്, ബജാജ് ഫിനാന്സ് തുടങ്ങിയ കമ്ബനികളാണ് മികച്ചനേട്ടമുണ്ടാക്കിയത്.