തമിഴ്നാട്ടിൽ ഉപതിരഞ്ഞെടുപ്പില്‍ അണ്ണാ ഡിഎംകെ മുന്നില്‍  ; പുതുച്ചേരിയിലെ കാമരാജ് നഗറിൽ കോൺഗ്രസിന്റെ ജോൺകുമാർ 7170 വോട്ടുകൾക്ക് വിജയിച്ചു

ചെന്നൈ : തമിഴ്നാട്ടിൽ ഉപതിരഞ്ഞെടുപ്പ് നടന്ന രണ്ട് മണ്ഡലങ്ങളിലും അണ്ണാ ഡിഎംകെ മുന്നേറ്റം . കോൺഗ്രസിന്റെ സിറ്റിങ്ങ് സീറ്റായ നംഗുനേരിയിൽ പതിനയ്യായിരത്തിലധികം വോട്ടിനാണ് അണ്ണാ ഡിഎംകെ സ്ഥാനാർത്ഥി ആർ നാരായണൻ മുന്നിട്ട് നിൽക്കുന്നത്.

ഡിഎംകെയുടെ സിറ്റിങ്ങ് സീറ്റായ വിക്രവാണ്ടിയിൽ നാൽപതിനായിരത്തിലധികമാണ് അണ്ണാ ഡിഎംകെ സ്ഥാനാർത്ഥി മുത്തമിഴ്സെൽവന്റെ ലീഡ്.

ലോക്സഭാ തിരഞ്ഞെടുപ്പിൽ ഏറെ പിന്നോക്കം പോയ മണ്ഡലങ്ങളിലാണ് ഇത്തവണ അണ്ണാ ഡിഎംകെയുടെ മുന്നേറ്റം. പുതുച്ചേരിയിലെ കാമരാജ് നഗറിൽ കോൺഗ്രസിന്റെ ജോൺകുമാർ 7170 വോട്ടുകൾക്ക് വിജയിച്ചു.