ന്യൂഡല്ഹി: തിസ് ഹസാരി കോടതി വളപ്പില് പോലീസും അഭിഭാഷകരും തമ്മിലുണ്ടായ സംഘര്ഷത്തില് ഡല്ഹി ഹൈക്കോടതി സ്വമേധയാ ഇടപെട്ട് . ഡല്ഹി സര്ക്കാര്, അഭിഭാഷക സംഘടനകള് എന്നിവര്ക്ക് ഹൈക്കോടതി നോട്ടീസ് നല്കി.
ഡല്ഹി ചീഫ് ജസ്റ്റിസ് ഡി.എന് പട്ടേല് അധ്യക്ഷനായ ബെഞ്ചാണ് വിശദീകരണം ആവശ്യപ്പെട്ട് നോട്ടീസ് അയച്ചത്. കേസില് അടിയന്തരമായി വാദം കേള്ക്കാനും കോടതി തീരുമാനിച്ചിട്ടുണ്ട്. ശനിയാഴ്ചയാണ് പാര്ക്കിംഗിനെ ചൊല്ലിയുള്ള തര്ക്കം മൂത്ത് കോടതിവളപ്പില് പോലീസും അഭിഭാഷകരും തമ്മില് ഏറ്റുമുട്ടിയത്.
അതേസമയം, പോലീസ് നടപടിയില് പ്രതിഷേധിച്ച് തിങ്കളാഴ്ച ഡല്ഹി ഹൈക്കോടതിയിലെ അഭിഭാഷകര് കോടതി ബഹിഷ്കരിക്കും.