കുവൈറ്റ് സിറ്റി: മൊബൈല് യൂണിറ്റ് വഴിയുള്ള വാക്സിനേഷന്റെ നാലാം ഘട്ടം ആരംഭിച്ച് കുവൈറ്റ്. ഗ്യാസ് സ്റ്റേഷന്, സെക്യൂരിറ്റി, ഗാര്ഡ് കമ്പനി, പൊതുഗതാഗത കമ്പനി തുടങ്ങിയ മേഖലകളിലുള്ള ജീവനക്കാര്ക്ക് ഇതിലൂടെ വാക്സിന് ലഭിക്കുന്നത്.
മാസങ്ങള്ക്ക് മുമ്പ് ഓക്സ്ഫോര്ഡ് വാക്സിന്റെ ആദ്യ ഡോസ് സ്വീകരിച്ചവര്ക്ക് മന്ത്രാലയം വാക്സിന് നല്കിയതായും, ഗാര്ഹിക തൊഴിലാളികള്ക്കുള്ള വാക്സിനേഷന് തുടരുന്നതായും ആരോഗ്യമന്ത്രാലയത്തിലെ മൊബൈല് വാക്സിനേഷന് യൂണിറ്റ് ടീമിന്റെ മേധാവിയും പ്രാഥമികാരോഗ്യ കേന്ദ്രവകുപ്പ് ഡയറക്ടറുമായ ഡോ. ദിന അല് ദുബൈബ് പറഞ്ഞു.