എ ഷാജഹാന്‍ പുതിയ തെരഞ്ഞെടുപ്പ് കമ്മീഷണര്‍

തിരുവനന്തപുരം : എ ഷാജഹാന്‍ അടുത്ത സംസ്ഥാന തെരഞ്ഞെടുപ്പ് കമ്മീഷണറാകും. മന്ത്രിസഭായോഗമാണ് ഈ തീരുമാനമെടുത്തത്. നിലവിലെ തെരഞ്ഞെടുപ്പ് കമ്മീഷണര്‍ വി ഭാസ്‌കരന്‍ വിരമിക്കുന്ന ഒഴിവിലാണ് നിയമനം.

നിലവില്‍ സംസ്ഥാന പൊതു വിദ്യാഭ്യാസ വകുപ്പ് സെക്രട്ടറിയാണ് ഷാജഹാന്‍. വിവിധ വകുപ്പുകളിലെ ഒഴിവുകള്‍ വേഗത്തില്‍ റിപ്പോര്‍ട്ട് ചെയ്യാനും മന്ത്രിസഭ വകുപ്പ് മേധാവിമാര്‍ക്ക് നിര്‍ദേശം നല്‍കി. ഒരാഴ്ചയ്ക്കുള്ളില്‍ റിപ്പോര്‍ട്ട് ചെയ്യാനാണ് നിര്‍ദേശം.