അഭയ കേസിൽ ആദ്യം തയ്യാറാക്കിയ ഇൻക്വസ്റ്റ് റിപ്പോർട്ട് കീറി കളഞ്ഞു... വെളിപ്പെടുത്തലുമായി അന്നത്തെ കോൺസ്റ്റബിൾ എംഎം തോമസ്

അഭയ കേസിൽ നിർണായക വെളിപ്പെടുത്തലുമായി അന്നത്തെ കോൺസ്റ്റബിൾ എംഎം തോമസ് രം​ഗത്ത്. കേസിൽ ആദ്യം തയ്യാറാക്കിയ ഇൻക്വസ്റ്റ് റിപ്പോർട്ട് കീറി കളഞ്ഞുവെന്നാണ് എംഎം തോമസിന്റെ വെളിപ്പെടുത്തൽ.

അന്നത്തെ എഎസ്ഐ വിവി അഗസ്റ്റിൻ സമ്മർദ്ദം ചെലുത്തിയപ്പോഴാണ് കീറിക്കളഞ്ഞതെന്നും എം.എം തോമസ് കോടതിയിൽ പറഞ്ഞു. കേസില്‍ എട്ടാം സാക്ഷിയായ തോമസ് ആദ്യത്തെ അന്വേഷണ സംഘത്തിലുണ്ടായിരുന്നു.അഗസ്റ്റിനെ നേരത്തേ സി.ബി.ഐ കേസില്‍ പ്രതി ചേര്‍ത്തിരുന്നു. ഇയാള്‍ പിന്നീട് ആത്മഹത്യ ചെയ്യുകയായിരുന്നു.