മുംബൈ: മഹാരാഷ്ട്രയില്‍ മൊബൈല്‍ തട്ടിപ്പറിച്ച ബൈക്ക് യാത്രക്കാരെ പിന്തുടര്‍ന്ന 27കാരി ഓട്ടോറിക്ഷയില്‍ നിന്ന് വീണ് മരിച്ചു. സംഭവത്തില്‍ രണ്ടു പേരെ പൊലീസ് അറസ്റ്റ് ചെയ്തു. താനെയില്‍ ബുധനാഴ്ച രാത്രി എട്ടുമണിയോടെയാണ് സംഭവം. മാളില്‍ സ്പായില്‍ ജോലി ചെയ്യുന്ന 27കാരിയാണ് മരിച്ചത്. വീട്ടിലേക്ക് മടങ്ങുന്നതിനിടെയാണ് സംഭവമെന്ന് പൊലീസ് പറയുന്നു.
/sathyam/media/post_attachments/rpOMO6R2Em4MZ706yYlB.jpg "publive-image")
ഓട്ടോറിക്ഷയില്‍ സുഹൃത്തിനൊപ്പം വീട്ടിലേക്ക് മടങ്ങുന്നതിനിടെയാണ്, ബൈക്കിലെത്തിയ അക്രമിസംഘം മൊബൈല്‍ തട്ടിപ്പറിച്ചത്. ഹൈവേയില്‍ ഓട്ടോറിക്ഷയുടെ പിന്നില്‍ ഉണ്ടായിരുന്ന ബൈക്കില്‍ സഞ്ചരിച്ചിരുന്ന രണ്ടുപേരാണ് അറസ്റ്റിലായത്.
മൊബൈല്‍ തട്ടിപ്പറിച്ചവരെ പിടികൂടാന്‍ യുവതി ഓട്ടോറിക്ഷയില്‍ പിന്തുടര്‍ന്നു. മൊബൈല്‍ തിരിച്ചുപിടിക്കാന്‍ ഓട്ടോറിക്ഷയില്‍ നിന്ന് പുറത്തേയ്ക്ക് ചരിയുന്നതിനിടെ നിയന്ത്രണം നഷ്ടപ്പെട്ട് വീഴുകയായിരുന്നു.
തലയ്ക്ക് ഗുരുതരമായി പരിക്കേറ്റതാണ് മരണകാരണമെന്ന് പൊലീസ് പറയുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ലെന്ന് പൊലീസ് പറയുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
