കോയന്പത്തൂര്: മലയാളി വനിതയായ റെയില്വേ സ്റ്റേഷന് മാസ്റ്ററെ കുത്തിപ്പരിക്കേല്പിച്ചശേഷം ഓടി രക്ഷപ്പെട്ട പ്രതി അറസ്റ്റില്.
പാലക്കാട് ഷൊര്ണൂര് കൊളപുള്ളി തോട്ടഞ്ചിറ ഫിറോസാണ് (36) ചൊവ്വാഴ്ച രാവിലെ പാലക്കാട്ട് പിടിയിലായത്.
കോയന്പത്തൂരിനടുത്ത എട്ടിമട റെയില്വേ സ്റ്റേഷന് മാസ്റ്ററായ പത്തനംതിട്ട ആറന്മുള സ്വദേശി അഞ്ജനയാണ് (28) ഡ്യൂട്ടിക്കിടെ ആക്രമണത്തിനിരയായത്. ആഗസ്റ്റ് 29ന് പുലര്ച്ച ഒന്നരയോടെ എട്ടിമട റെയില്വേ സ്റ്റേഷന് മാസ്റ്ററുടെ മുറിയില് മദ്യലഹരിയില് അതിക്രമിച്ചുകയറി കത്തികൊണ്ട് കുത്തുകയായിരുന്നു.
കഴുത്തിനും കൈവിരലുകള്ക്കും പരിക്കേറ്റ അഞ്ജന പാലക്കാട് റെയില്വേ ആശുപത്രിയില് ചികിത്സ തേടി. പ്രതിയെക്കുറിച്ച വിവരങ്ങളുടെ അടിസ്ഥാനത്തിലാണ് പിടികൂടിയത്. ഇയാളെ പോത്തന്നൂര് റെയില്വേ പൊലീസ് ചോദ്യംചെയ്തു.