ഒപ്റ്റിക്കൽ ഫൈബർ മുറിച്ചു മാറ്റുന്നു; നെറ്റ് വർക്ക് അട്ടിമറിയെന്ന് എയർടെൽ

മുംബൈ: ഒപ്റ്റിക്കൽ ഫൈബർ മുറിച്ച് നെറ്റ് വർക്ക് അട്ടിമറിക്കാൻ ശ്രമിച്ചെന്ന് ആരോപിച്ച് എയർടെൽ പരാതി നൽകി. മുംബൈയിലെ സമത നഗർ പോലീസ് സ്റ്റേഷനിലാണ് എയർടെൽ ഇതുസംബന്ധിച്ച് പരാതി നൽകിയിരിക്കുന്നത്. അട്ടിമറി ശ്രമം മൂലം കമ്പനിക്ക് സാമ്പത്തിക നഷ്ടമുണ്ടായതായി പരാതിയിൽ പറയുന്നു.

നെറ്റ് വർക്ക്, ഇൻറർനെറ്റ് പ്രശ്നങ്ങളെക്കുറിച്ച് ഉപഭോക്താക്കളിൽ നിന്ന് ലഭിച്ച പരാതികൾ പ്രകാരം പരിശോധന നടത്തവെ 56 ഇടങ്ങളിൽ കേബിൾ കട്ട് ചെയ്തതായി കാണപ്പെട്ടതായി കമ്പനി വ്യക്തമാക്കി.

കമ്പനിയുടെ ജീവനക്കാർ തകരാർ പരിഹരിക്കാൻ ചെന്നപ്പോൾ ചിലർ അവരെ മർദ്ദിക്കുകയും ജോലി തടസ്സപ്പെടുത്തുകയും ചെയ്തതായി പരാതിയിൽ പറയുന്നു.