തിരുവനന്തപുരം: ഹെല്മെറ്റ് പരിശോധന കര്ശനമാക്കുമെന്ന് ഗതാഗതമന്ത്രി എ.കെ.ശശീന്ദ്രന്. പരിശോധനയ്ക്കായി മെച്ചപ്പെട്ട കാമറ സ്ഥാപിച്ചു. ബോധവത്കരണത്തിന് നിര്ദേശം നല്കിയെന്നും അദ്ദേഹം പറഞ്ഞു.
വാഹന പരിശോധനയുടെ പേരില് പ്രാകൃതമായ വേട്ടയാടല് ഉണ്ടാകില്ല. ബോധവത്കരണത്തിലൂടെയാകും നിയമം നടപ്പാക്കാന് ശ്രമിക്കുകയെന്നും മന്ത്രി പറഞ്ഞു.
ഓടിച്ചിട്ട് ഹെല്മെറ്റ് വേട്ട വേണ്ടെന്നു ഹൈക്കോടതി നിര്ദേശിച്ചതിനു പിന്നാലെയാണ് പരിശോധന കര്ശനമാക്കുമെന്ന് മന്ത്രി വ്യക്തമാക്കിയത്. ഡിസംബര് ഒന്ന് മുതല് ഇരുചക്ര വാഹനത്തിലെ പിന്സീറ്റ് യാത്രികര്ക്കും ഹെല്മെറ്റ് നിര്ബന്ധമാക്കിയാണ് ഹൈക്കോടതി ഉത്തരവിറക്കിയത്.