കോഴിക്കോട്:പന്തീരാങ്കാവ് യുഎപിഎ കേസിൽ പ്രതികളായ അലനെയും താഹയേയും എന്ഐഎ കസ്റ്റഡിയില് വിട്ടു. പ്രത്യേക എന്ഐഎ കോടതിയുടേതാണ് ഉത്തരവ്. ഇരുവരെയും ബുധനാഴ്ച കോടതിയില് ഹാജരാക്കണമെന്നും കോടതി ഉത്തരവിട്ടു.
എത്രദിവസത്തേക്കാണ് കസ്റ്റഡിയെന്ന് കോടതി ബുധനാഴ്ച വ്യക്തമാക്കും. നേരത്തെ, പ്രതിപക്ഷ നേതാവ് രമേശ് ചെന്നിത്തല അലന്റെയും താഹയുടെയും വീടുകള് സന്ദര്ശിച്ചിരുന്നു.
വിഷയം വീണ്ടും നിയമസസഭയില് ഉന്നയിക്കുമെന്നും അലനെയും താഹയേയും അറസ്റ്റ് ചെയ്തത് ചട്ടങ്ങള് പാലിച്ചല്ലെന്നും ചെന്നിത്തല കുറ്റപ്പെടുത്തിയിരുന്നു. ഇരുവരെയും അറസ്റ്റ് ചെയ്യാനുള്ള കാരണമെന്താണെന്ന് മുഖ്യമന്ത്രി വ്യക്തമാക്കണമെന്നും ചെന്നിത്തല ആവശ്യപ്പെട്ടിരുന്നു