ന്യൂഡല്ഹി: കൊറോണ വൈറസ് ഭീതിയെ തുടര്ന്ന് ഓള് ഇംഗ്ലണ്ട് ഓപ്പണില്നിന്നും ഇന്ത്യയുടെ എച്ച്.എസ് പ്രണോയി, സമീര് വര്മ, സൗരഭ് വര്മ എന്നിവര് പിന്വാങ്ങി.
മാര്ച്ച് 11 ന് ആരംഭിക്കുന്ന ടൂര്മെന്റില്നിന്ന് ഇവരെ കൂടാതെ നാല് ഇന്ത്യന് താരങ്ങള് കൂടി പിന്മാറിയിട്ടുണ്ട്. ഡബിള്സ് താരങ്ങളായ ചിരാഗ് ഷെട്ടി, സാത്വിക്സായിരാജ്, മനു അട്ടരി, സുമേഷ് റെഡ്ഡി എന്നിവരാണ് ഇവര്.
എന്നാല് ഇന്ത്യയുടെ മുന്നിര താരങ്ങളായ പി.വി സിന്ധു, കെ. ശ്രീകാന്ത്, സായ് പ്രണീത് എന്നിവര് ടൂര്ണമെന്റില് പങ്കെടുക്കുമെന്നാണ് പ്രതീക്ഷിക്കുന്നത്.