താന്‍ ചതിയനോ നട്ടെല്ലില്ലാത്തവനോ അല്ല, കര്‍ഷകരോട് ചെയ്ത ചതി മറച്ചുവയ്ക്കാനാണ് ബാദല്‍ ശ്രമിക്കുന്നത്; ശിരമോണി അകാലിദളിന് മറുപടിയുമായി അമരീന്ദര്‍ സിങ്‌

ന്യൂഡല്‍ഹി: കര്‍ഷക സമരവുമായി ബന്ധപ്പെട്ട് തനിക്കെതിരെ ശിരോമണി അകാലിദള്‍ അധ്യക്ഷന്ഡ സുഖ്ബീര്‍ സിങ് ബാദല്‍ നടത്തിയ പരാമര്‍ശങ്ങള്‍ക്ക് മറുപടിയുമായി പഞ്ചാബ് മുഖ്യമന്ത്രി അമരീന്ദര്‍ സിങ്. ബാദലിനെപ്പോലെ താന്‍ ചതിയനോ നട്ടെല്ലില്ലാത്തവനോ അല്ലെന്നും കര്‍ഷകരോട് ചെയ്ത ചതി മറച്ചുവയ്ക്കാനാണ് ബാദല്‍ ശ്രമിക്കുന്നതെന്നും അമരീന്ദര്‍ സിങ് ആരോപിച്ചു.

അമരീന്ദര്‍ സിങ് തെറ്റുകളാണ് ചെയ്യുന്നതെന്നും കര്‍ഷക പ്രശ്‌നത്തില്‍ ബിജെപിക്ക് കീഴടങ്ങിയതായും ബാദല്‍ ആരോപിച്ചിരുന്നു. ഇ.ഡി അന്വേഷണം നേരിടേണ്ടി വരുമെന്ന ഭീഷണിക്കു വഴങ്ങി അമരീന്ദര്‍ കര്‍ഷകരെ ഒറ്റിക്കൊടുത്തുവെന്നും ബാദല്‍ ആരോപിച്ചിരുന്നു.