നാഗ്പുർ: വയനാടിനെ പാക്കിസ്ഥാനോട് ഉപമിച്ച് ബിജെപി അധ്യക്ഷൻ അമിത് ഷാ. നാഗ്പൂരിൽ കേന്ദ്രമന്ത്രി നിതിൻ ഗഡ്കരിയുടെ തെരഞ്ഞെടുപ്പ് റാലിയിൽ സംസാരിക്കവെ രാഹുൽ ഗാന്ധി വയനാട്ടിൽ മത്സരിക്കുന്നതിനെ വിമർശിച്ചായിരുന്നു അമിത് ഷായുടെ പരാമർശം.
സഖ്യകക്ഷികൾക്കു വേണ്ടി രാഹുൽ ബാബ കേരളത്തിലേക്കു പോയി. എഴുന്നള്ളിപ്പു കാണുന്പോൾ ഇത് ഇന്ത്യയിലാണോ പാക്കിസ്ഥാനിലാണോ എന്നു തിരിച്ചറിയാൻ കഴിയുന്നില്ല. എന്തിനാണ് അങ്ങനെ ഒരു സീറ്റിലേക്ക് മനസിലാക്കാൻ കഴിയില്ല- അമിത് ഷാ പറഞ്ഞു.
വയനാട്ടിൽ രാഹുൽ ഗാന്ധി പത്രിക സമർപ്പിക്കാൻ എത്തിയപ്പോൾ നടത്തിയ റോഡ് ഷോയിൽ മുസ്ലിം ലീഗിന്റെ പതാകകൾ ഉയർന്നതിനെ പരാമർശിച്ചായിരുന്നു അമിത് ഷായുടെ പാക്കിസ്ഥാൻ പരാമർശം.