സ്ഥലം മാറ്റം കിട്ടിയിട്ടും അംഗനവാടി വിട്ടു പോകാതെ അധ്യാപിക; കസേര ഒഴിയുന്നതും കാത്ത് പുറത്തിരുന്ന് പുതിയ അധ്യാപിക

പുതിയതായി നിയമിച്ച അങ്കണവാടി വീട്ടില്‍ നിന്നും ദൂരത്തിലാണെന്നാണ് സഫിയത്ത് ടീച്ചര്‍ പറയുന്നു. കുറേ നേരം നടക്കണം. സര്‍വേക്ക് ഒക്കെ അവിടെ ബുദ്ധിമുട്ടാണ്. ആറങ്കോട്ട് അങ്കണവാടിയാകുമ്ബോള്‍ വീടിന് അടുത്താണ്. അതുകൊണ്ട് മാറില്ല എന്നാണ് സഫിയത്ത് ടീച്ചര്‍ പറയുന്നത്.

പുതുതായി ചുമതലയേല്‍ക്കേണ്ട ലൈസമ്മ മാത്യു എല്ലാ ദിവസവും അങ്കണവാടിയില്‍ എത്തും. രാവിലെ മുതല്‍ വൈകീട്ട് വരെ അവിടെയിരിക്കും. രണ്ടാഴ്ചയായി ഇതാണ് സ്ഥിതി. സഫിയത്ത് ടീച്ചറാകട്ടെ വാതില്‍ അടച്ച്‌ കുട്ടികളെ പഠിപ്പിക്കും. രണ്ടു ടീച്ചര്‍മ്മാര്‍ക്കും ആകെയുള്ള ജീവിത വരുമാനമാണ് ഈ ജോലി. അതു കൊണ്ട് തന്നെ ഐ സി ഡി എസ് വിഭാഗം പ്രശ്നം എത്രയും വേഗം തീര്‍ക്കണം.