അഫ്ഗാനിസ്ഥാനിൽ അധികാരം കൈയടക്കിയതിനുശേഷം സ്ത്രീകൾക്ക് മേൽ താലിബാൻ വളരെയേറെ വിലക്കുകളും നിയന്ത്രണങ്ങളും ഏർപ്പെടുത്തിയിട്ടുണ്ട്.
ഏകദേശം 17 മാസത്തിനുള്ളിൽ, സ്ത്രീകളുടെ സ്വാതന്ത്ര്യം തടയുന്നതിനായി താലിബാൻ സർക്കാർ 20-ലധികം ഉത്തരവുകളും വാക്കാലുള്ള നിർദ്ദേശങ്ങളും മുന്നറിയിപ്പുകളും നൽകിയിട്ടുണ്ട്.
2021 ഓഗസ്റ്റ് മുതൽ 2022 അവസാനം വരെ താലിബാൻ സ്ത്രീകൾക്ക് ഏർപ്പെടുത്തിയിരിക്കുന്ന നിയന്ത്രണങ്ങൾ ഒന്നവലോകനം ചെയ്യാം.
1 . രാഷ്ട്രീയത്തിൽ നിന്ന് ഒഴിവാക്കി.
2 . പൊതുസ്ഥലങ്ങളിൽ ഹിജാബ് ധരിക്കുന്നത് നിർബന്ധമാക്കി.
3 . സ്ത്രീകൾ വാഹനമോടിക്കുന്നത് വിലക്കി.
4 . പുതിയ ഡ്രൈവിംഗ് ലൈസൻസ് നൽകുന്നതിന് വിലക്ക്.
5 . ഹിജാബ് ധരിക്കാതെയും ഒറ്റയ്ക്കും സ്ത്രീകൾക്ക് ഒറ്റയ്ക്ക് 45 മൈലിൽ കൂടുതൽ യാത്ര ചെയ്യാൻ വിലക്ക്.
6 . വനിതാ നടിമാർക്കും സംഗീതജ്ഞർക്കും വിലക്ക്.
7 . പാർക്കുകൾക്കും കായിക സൗകര്യങ്ങൾക്കും നിരോധനം.
8 . സ്ത്രീകൾക്ക് തെരുവിലിറങ്ങി പ്രതിഷേധിക്കാനാവില്ല
9 . ഗാർഹിക പീഡനത്തിന് ഇരയായ സ്ത്രീകളെ സുരക്ഷിത ഇടങ്ങളിൽ പാർപ്പിച്ചിരുന്നത് നിർത്തലാക്കി.
10 . ക്ളാസ്സ് 7 മുതൽ 12 വരെ സ്കൂളുകൾ അടച്ചു.
11 . സർവ്വകലാശാലയിൽ പെൺകുട്ടികൾക്ക് ആൺകുട്ടികൾക്കൊപ്പം ഇരിക്കാൻ വിലക്ക്.
12 . സ്വകാര്യ, പൊതു സർവ്വകലാശാലകളിൽ പെൺകുട്ടികളുടെ പ്രവേശനത്തിന് വിലക്ക്.
13 . കൃഷി, വെറ്ററിനറി മെഡിസിൻ, എൻജിനീയറിങ്, കംപ്യൂട്ടർ, ഖനനം തുടങ്ങിയ മേഖലകളിലെ പഠനത്തിന് നിരോധനം.
14 . സർക്കാർ ജോലിയിലുള്ള സ്ത്രീകൾ വീട്ടിലിരിക്കാനുത്തരവ്.
15 . ഡബ്ബിംഗ് ചെയ്യുന്നവർക്കും സ്ത്രീ താരങ്ങൾക്കും സീരിയലുകളിലെ ജോലി വിലക്ക്.
16 . ആഭ്യന്തര, വിദേശ എൻ.ജി.ഒകളിൽ ജോലി ചെയ്യുന്ന വനിതാ ജീവനക്കാർക്ക് വിലക്ക്.
17 . പള്ളികളിൽ മതപഠന കോഴ്സുകൾക്ക് നിരോധനം.