നീണ്ടൂര്: കോട്ടയം ജില്ലയിലെ നീണ്ടൂര് ഗ്രാമപഞ്ചായത്തിലെ പതിനാലാം വാര്ഡില് പക്ഷിപ്പനി സ്ഥിരീകരിച്ച സാഹചര്യത്തില് പ്രതിരോധ നടപടികള് ഊര്ജിതമാക്കി. രോഗബാധയുണ്ടായ ഫാമില് ശേഷിക്കുന്ന താറാവുകളെയും ഫാമിനു പുറത്ത് ഒരു കിലോമീറ്റര് ചുറ്റളവിലുള്ള എല്ലാ വളര്ത്തു പക്ഷികളെയും മുന്കരുതലിന്റെ ഭാഗമായി കൊല്ലുന്നതിനുള്ള നടപടികള് ആരംഭിച്ചു.
ഇതിനായി വെറ്ററിനറി ഡോക്ടര്മാരുടെ നേതൃത്വത്തിലുള്ള എട്ട് ദ്രുതകര്മ്മ സേനകളെ നിയോഗിച്ചു. വിവിധ വകുപ്പുകളിലെ അഞ്ച് ഉദ്യോഗസ്ഥര് വീതമാണ് ഓരോ സംഘത്തിലും ഉണ്ടാകുക.
രോഗം റിപ്പോര്ട്ട് ചെയ്യപ്പെട്ട ഫാം ഒറ്റപ്പെട്ട മേഖലയിലാണ്. വെറ്റിനറി ഡോക്ടര്മാരുടെ സംഘം സ്ഥലം സന്ദര്ശിച്ച് സ്ഥിതിഗതികള് വിലയിരുത്തിയിരുന്നു. കൂടുതല് സ്ഥലങ്ങളിലേക്ക് രോഗം പടരുന്നത് തടയുന്നതിനും മനുഷ്യരിലേക്ക് പകരാതിരിക്കുന്നതിനും ആവശ്യമായ മുന്കരുതല് നടപടികള് സ്വീകരിച്ചിട്ടുണ്ട്. അതുകൊണ്ടുതന്നെ ആശങ്ക വേണ്ടതില്ല.
കോടിമതയിലെ ജില്ലാ വെറ്ററിനറി കേന്ദ്രത്തില് 24 മണിക്കൂറും പ്രവര്ത്തിക്കുന്ന കണ്ട്രോള് റൂം 'തുറന്നിട്ടുണ്ട്. പക്ഷിപ്പനി സംബന്ധിച്ച വിവരങ്ങള് 'നല്കുന്നതിനും സംശയ നിവാരണത്തിനുമായി പൊതുജനങ്ങള്ക്ക് 0481 2564623 എന്ന ഫോണ് നമ്പരില് കണ്ട്രോള് റൂമില് ബന്ധപ്പെടാം.