കൊച്ചി: കേരള ബ്ലാസ്റ്റേഴ്സ് ഇഷ്ഫാഖ് അഹമ്മദിനെ താത്കാലിക പരിശീലകനായി നിയമിച്ചു. മുഖ്യപരിശീലകന് കിബു വിക്കൂന രാജിവച്ച ഒഴിവിലാണ് നിയമനം. നിലവില് ടീമിന്റെ സഹപരിശീലകനായിരുന്നു ഇഷ്ഫാഖ്.
ഐഎസ്എല്ലില് ഹൈദരാബാദ് എഫ്സിയോട് എതിരില്ലാത്ത നാല് ഗോളിന് തോറ്റതിന് പിന്നാലെയാണ് കിബു വിക്കൂന പരിശീലക സ്ഥാനത്ത് നിന്നും ഒഴിഞ്ഞത്. ഇക്കാര്യം ബ്ലാസ്റ്റേഴ്സ് മാനേജ്മെന്റ് സ്ഥിരീകരിച്ചു.
ചൊവ്വാഴ്ചത്തെ മത്സരത്തിന് പിന്നാലെ പരിശീലക സ്ഥാനത്ത് തുടരുന്നില്ലെന്ന് വിക്കൂന കളിക്കാരെ അറിയിച്ചിരുന്നു. പരസ്പര സമ്മതത്തോടെയാണ് കോച്ചും ടീം മാനേജ്മെന്റും തീരുമാനത്തിലെത്തിയതെന്നാണ് ബ്ലാസ്റ്റേഴ്സ് വിശദീകരണം.