തിരുവനന്തപുരം: വിജിലന്സ് ചെക്ക്പോസ്റ്റുകളില് നടത്തിയ മിന്നല് പരിശോധനയില് അമിതഭാരം കയറ്റിയ ലോറികളില് വന്തോതില് നികുതി വെട്ടിച്ചു സിമന്റ് കടത്തുന്നതായി കണ്ടെത്തി.
നികുതി അടച്ചതിന്റെ ഇരട്ടിയോളം സാധനങ്ങള് ചെക്ക്പോസ്റ്റുകള് വഴി കടത്തുന്നതായാണു കണ്ടെത്തിയത്. ഇതുവഴി സര്ക്കാരിനു വന് നികുതി നഷ്ടം ഉണ്ടാകുന്നതായി കണ്ടെത്തി.
തിരുവനന്തപുരം അമരവിളയില് നടത്തിയ പരിശോധനയില് നികുതി അടച്ചതിനെക്കാള് 2800 കിലോ സിമന്റ് അധികമായി കയറ്റിയതും പൂവാറില് 1850 കിലോ കൂടുതല് കയറ്റിയതും കണ്ടെത്തി. ചേര്ത്തല കണിച്ചുകുളങ്ങരയില് നടത്തിയ പരിശോധനയില് ബില്ലിലുളളതിനെക്കാള് 1730 കിലോ സിമന്റ് കൂടുതല് കയറ്റി നികുതി വെട്ടിച്ചത് പിടികൂടി.
മലപ്പുറം പെരിന്തല്മണ്ണയില് പരിശോധിച്ച സിമന്റ് ലോറികളിലെല്ലാം നികുതി അടച്ചതിനെക്കാള് ആയിരത്തിലധികം കിലോഗ്രാം സിമന്റ് കൂടുതല് കയറ്റിയതായാണ് കണ്ടെത്തിയത്.