തിരുവനന്തപുരം: ഗവര്ണറുടെ നയപ്രഖ്യാപന പ്രസംഗം പൊള്ളത്തരമാണെന്ന് പ്രതിപക്ഷ നേതാവ് രമേശ് ചെന്നിത്തല. ഭരണഘടന ചുമതലയായതുകൊണ്ട് മാത്രമാണ് ഗവര്ണര് നയപ്രഖ്യാപനം വായിച്ചതെന്നും. തന്റെ നിസഹായാവസ്ഥ ഗവര്ണര് സഭയില് തുറന്നു പറഞ്ഞെന്നും അദ്ദേഹം വ്യക്തമാക്കി.
നയപ്രഖ്യാപന പ്രസംഗം ബഹിഷ്കരിച്ച് സഭ വിട്ടിറങ്ങിയ പ്രതിപക്ഷ അംഗങ്ങള്ക്കൊപ്പം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
മുഖ്യമന്ത്രിക്ക് പറ്റിയയാളാണ് സ്പീക്കര് പി. ശ്രീരാമകൃഷ്ണനെന്നും അദ്ദേഹം കുറ്റപ്പെടുത്തി. അതേസമയം, ഗവര്ണറുടെ നയപ്രഖ്യാപനം പ്രസംഗം ബഹിഷ്കരിച്ച യുഡിഎഫിനൊപ്പം പി.സി ജോര്ജും സഭ വിട്ട് പുറത്തിറങ്ങി. എന്നാല് സഭയിലെ ഏക ബിജെപി അംഗമായ ഒ.രാജഗോപാല് സഭയില് തുടര്ന്നു.