വൈക്കത്ത് വീടിന് സമീപത്തെ തോട്ടില്‍ വീണ് പിഞ്ചു കുഞ്ഞിന് ദാരുണാന്ത്യം

വൈക്കം: വീടിന് സമീപത്തെ ഇടയാറില്‍ വീണ് വൈക്കം തലയാഴം തോട്ടകം വാക്കേത്തറ പരിമണത്തുതറ സൂരജ്-അമൃത ദമ്പതികളുടെ മകന്‍ ആരുഷ് മരിച്ചു. വൈക്കത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

വീടിനു സമീപം കളിച്ചു കൊണ്ടിരുന്ന കുഞ്ഞ് വീടിനോടു ചേര്‍ന്നുള്ള ഇടയാറില്‍ കാല്‍ വഴുതി വീണതാണെന്നാണ് കരുതുന്നത്.

കുഞ്ഞിനെ കാണാത്തതിനെ തുടര്‍ന്ന് തിരച്ചില്‍ നടത്തിയ ബന്ധുക്കളും നാട്ടുകാരും രാവിലെ 9.45ഓടെ ഇടയാറില്‍ വീണു കിടക്കുന്നതായി കണ്ടെത്തുകയായിരുന്നു.