കൊച്ചി: ഗ്യാസ് സ്റ്റൗ പൊട്ടിത്തെറിച്ച് ഗുരുതരമായി പൊള്ളലേറ്റ രണ്ട് കുട്ടികളുമായി കളമശ്ശേരി മെഡിക്കൽ കോളേജിൽ നിന്നും കോയമ്പത്തൂരിലേക്ക് പോകുന്ന ആംബുലന്സിന് വഴിയൊരുക്കണമെന്ന നിര്ദ്ദേശവുമായി കേരള പൊലീസ്.
കളമശ്ശേരി മെഡിക്കല് കോളേജില് ഗുരുതരമായി പൊള്ളലേറ്റ് ചികിത്സയില് കഴിഞ്ഞിരുന്ന വിദ്യാര്ത്ഥികളെ വിദഗ്ദ്ധ ചികിത്സയ്ക്കായി കോയമ്പത്തൂരിലെ ആശുപത്രിയില് കൊണ്ടുപോകുന്നതിനായി വഴിയൊരുക്കണമെന്ന അഭ്യര്ത്ഥനയുമായാണ് കേരളാ പൊലീസ് രംഗത്തുവന്നിരിക്കുന്നത്.
പൊതുജനങ്ങളോടുള്ള അഭ്യര്ത്ഥന എന്ന നിലയിലാണ് കേരള പൊലീസിന്റെ നിര്ദ്ദേശം. ആംബലുന്സുകള് വൈകിട് വൈകീട്ട് 5: 30ന് പുറപ്പെട്ടു. നിശ്ചിത സമയത്തിനുള്ളില് വിദ്യാര്ത്ഥികളെ കോയമ്പത്തൂരിലെത്തിച്ചാല് മാത്രമേ വിദഗ്ധ ചികിത്സ ഉറപ്പാക്കാനാവൂ.
ദേശീയ പാതയിലൂടെയാണ് വാഹനം കടന്നുപോവുക. ഇടയില് തടസം ഉണ്ടാകാതിരിക്കുന്നതിനാണ് പൊലീസിന്റെ നിര്ദ്ദേശം.കുട്ടികളെയും കൊണ്ടുപോകുന്ന ആംബുലന്സുകളുടെ നമ്ബര് ഇതാണ്: KL 41 P 5798, KL 05 AG 7478