കൊച്ചി: സ്വകാര്യ സിനിമ തിയറ്റുകളിലടക്കം ഇനി ടിക്കറ്റുകള്‍ വില്‍ക്കേണ്ടത് ഇന്‍ഫര്‍മേഷന്‍ കേരള മിഷന് (ഐ.കെ.എം) വികസിപ്പിച്ച ഇ-ടിക്കറ്റ് സോഫ്റ്റ്വെയര്‍ ഉപയോഗിച്ച്‌ മാത്രം. ടിക്കറ്റിങ്ങിന് ഏകീകൃത സ്വഭാവമുണ്ടാകുന്നതിനും തദ്ദേശ സ്ഥാപനങ്ങള്‍ക്ക് നികുതി സംബന്ധിച്ച ഏത് വിവരവും പരിശോധിക്കാന്‍ എളുപ്പത്തിനുമാണിത്.
/sathyam/media/post_attachments/wimJAMnb4VqGlSbJU5TS.jpg "publive-image")
മറ്റ് ഓണ്‍ലൈന്‍ റിസര്‍വേഷന്‍ സോഫ്റ്റുവെയറുകളും മൊബൈല്‍ ആപ്ലിക്കേഷനുകളും ഉപയോഗിക്കുന്ന തിയറ്ററുകളും ഇനി സര്‍ക്കാറിന്‍റെ സോഫ്റ്റ്വെയര്‍ മാത്രമേ ഉപയോഗിക്കാവൂ. അതേസമയം, സര്‍ക്കാര്‍ സോഫ്റ്റ്വെയറുമായി സംയോജിപ്പിച്ച്‌ ഓണ്‍ലൈന്‍ ടിക്കറ്റ് റിസര്‍വേഷന്‍ നടത്താന്‍ സൗകര്യമുണ്ടാകും.
സര്‍ക്കാര്‍ സോഫ്റ്റ്വെയറിനെ അടിസ്ഥാന സോഫ്റ്റ്വെയറായി നിലനിര്‍ത്തി മറ്റുള്ളവയിലേക്ക് ടിക്കറ്റുകള്‍ നല്‍കുന്നതാണ് ഈ രീതി. ഇത്തരത്തില്‍ വില്‍ക്കുന്ന ടിക്കറ്റുകളുടെ ഡെയിലി കലക്ഷന്‍ റിപ്പോര്‍ട്ട് (ഡി.സി.ആര്‍) ഉള്‍പ്പെടെ വിവരങ്ങള്‍ തദ്ദേശ സ്ഥാപനങ്ങള്‍ക്ക് ഓണ്‍ലൈനായി കൈമാറണം.
തിയറ്ററുകളിലെ കൗണ്ടര്‍ മൊഡ്യൂളുകളില്‍നിന്ന് ഒരു സീറ്റിന് ഒരുരൂപ നിരക്കിലും ഓണ്‍ലൈന്‍ ടിക്കറ്റുകളില്‍നിന്ന് 1.50 രൂപ നിരക്കിലും ഇ-ടിക്കറ്റിങ് ആപ്ലിക്കേഷന്‍ മെയിനന്‍റനന്‍സ് ആന്‍ഡ് സപ്പോര്‍ട്ട് ചാര്‍ജായി ഇന്‍ഫര്‍മേഷന്‍ കേരള മിഷന് നല്‍കണം. സോഫ്റ്റ്വെയര്‍ സൗജന്യമായി ഐ.കെ.എം എല്ലാ തിയറ്ററുകളിലും ഇന്‍സ്റ്റാള്‍ ചെയ്യും. ഹാര്‍ഡ് വെയര്‍ സംവിധാനങ്ങള്‍ തിയറ്ററുകള്‍തന്നെ സ്ഥാപിക്കണം.
Follow Us/sathyam/media/agency_attachments/5VspLzgrB7PML1PH6Ix6.png)
